近年到美國發展電影事業的女星陳鈺芸（JuJu），有讀者爆料指發現她前日和一名老外在九龍塘出現，當時兩人坐在開篷跑車中卿卿我我，並忘我熱吻！昨日JuJu接受本報訪問，對於被發現當街熱吻時，即愕然反問：「吓？真o架？影咗啲咩？」後來她才稱相中男子是導演司徒永華，承認拍拖並已見過雙方家長。
她說：「我哋拍咗拖一陣，係今年嘅事。（點追你？）我2010年出書後，佢話鍾意我嘅才華，直到今年畀佢真心打動咗。佢對我幾好，佢係我師傅教我武功，所以係師徒戀，哈哈！」問到有否同居？她緊張地說：「我唔得o架！我好保守，只可以錫錫同拖手！」續說久未拍拖，又大讚男友待她很好。JuJu曾參演司徒永華執導的電影《Fist of the Dragon》，並憑此片於去年在美國舉行的Widescreen電影節中奪得最佳女主角殊榮。