「唔記得食咗飯」趙哲妤生完變蠢
藝人趙哲妤（Uny）與顏仟汶昨日出席活動，Uny自爆生完女後變蠢：「覺得『一孕傻三年』，我試過一日買咗兩次餸、唔記得食咗飯，仲有次朋友就嚟結婚，我話『試唔到你條姊妹裙』，朋友話『你咪試咗』，所以想訓練番大腦，唔希望太蠢遺傳畀小朋友，不過記性差，原來係有方法改善，可以用啤牌訓練番。」
提到女兒昨日兩歲生日，Uny表示有親自下廚，並指女兒做了人工耳蝸手術後，聽到音樂時會跳舞，甚有節奏感：「我媽媽話我兩歲都唔講嘢，但返學就不停講嘢。好期待囡囡返學後，聽到佢叫我媽咪同講嘢，我會陪佢聽呢個世界。」
而剛踏入48歲的顏仟汶表示今年生日特別感觸，因之前有不少負面新聞，試過獨自在家哭泣。