張啟樂姜皓文攬攬釋前嫌
「賣嘢王」張啟樂（Ben）發起慈善活動，邀得一班好友到場支持，他在台上眼濕濕自爆這個多月不敢搵姜皓文（黑仔），因雙方有點誤會，黑仔一頭霧水，揚言兩人是好兄弟，令Ben放下心頭大石，二人更在台上抱抱大和解！
藝人張啟樂昨日舉行「慈善賣嘢王」記者會，邀得一班好友姜皓文、唐文龍、莊思敏、黃浩然、蔣怡、關伊彤、莊端兒、李美琪、劉敬雯、鄧思朗、徐加晴、陳圖安等人捧場，他們更各自捐出珍貴的「心頭好」，透過慈善義賣幫助願望成真基金的重病兒童實現願望，而張衞健、苗僑偉、劉心悠、黃鴻升、吳耀漢亦有拍片支持。活動將於明年1月21日舉行慈善晚宴，翌日作網上直播，兩日都會拍賣藝人捐出來的珍藏。
好兄弟拍住唱
黑仔上台時，擔任司儀的Ben突然眼濕濕自爆個多月不敢找他，因雙方有點誤會，黑仔即一臉愕然，然後安慰說：「兄弟嚟o架嘛！」然後兩人攬攬。受訪時提及此事，Ben解釋：「我好尊重呢個朋友，更怕會失去佢，我個幾月前唔敢搵佢，一嚟佢套戲上好忙，二嚟我哋有少少誤會，就係佢以為我唔鍾意佢，我唔識表達自己，唔知原來我嘅情緒會影響到其他人，嗰次誤會之後唔敢搵佢，驚佢唔睬我，但今日佢嘅出現令我好放心，呢個朋友冇走到。」黑仔則說：「話明好兄弟嘛，遲啲晚宴我哋仲會一齊唱歌，冇事冇事。」
聖誕恨有人陪
黑仔透露將捐出波鞋，唐文龍表示會捐出銀包：「我上個月生日，係識咗30年嘅朋友送畀我嘅。」莊思敏則捐出手錶，問三人捐出來的東西是否很名貴？他們互指對方的珍藏很名貴，唐文龍笑指黑仔的波鞋是限量版，黑仔笑言：「佢個銀包係朋友送嘅，心意好珍貴！」莊思敏則透露手錶價值五位數字。聖誕節將至，她表示會留港與家人一起過，而將到無錫拍戲的黑仔笑問她不是拍拖嗎？莊思敏說：「我都想，希望承你貴言。」至於唐文龍可會約緋聞女友楊柳青？他尷尬地說：「今年有工作，我要去上海或橫店拍網絡電影。」