劉青雲險被激流沖走

劉青雲大膽跳激流，但都大讚阿Sa潛能大爆發。

演員劉青雲、林峯、蔡卓妍（阿Sa）、湯怡、何佩瑜及英皇老闆楊受成，昨日出席韋家輝執導的英皇電影《神探大戰》煞科宴。

水底刮損手

韋家輝表示今次相隔十年再任導演，皆因要等待青雲的檔期，青雲笑言：「佢咁講客氣啫！但佢搵我係有道理嘅，我發覺我真係好適合拍佢嘅電影，你做到乜佢都會畀你做，而且每日嘅劇本都會變。（你鍾意被虐？）成套戲唔係文戲，有好多動作場面。」問到有甚麼驚險場口？他說：「我要坐阿Sa開嘅快車，我係幸存者。仲要跳落激流，水入面有好多石頭，拍之前武師有試一次，我拍咗兩個Take，都有刮損手，啲水好急，差啲沖咗出閘。（回吓氣先再拍韋家輝嘅戲﹖）睇吓佢搵唔搵我先啦！」不過他大讚阿Sa好大膽，將另一面潛質發揮出來。

阿Sa拍新片，令她有面對死亡的感覺。	林峯不肯透露聖誕節是否與女友二人世界。	韋家輝

林峯畏高頂硬上

至於首次跟韋家輝合作的林峯大感榮幸，笑言每日要打醒十二分精神拍戲：「個劇本不斷變，未埋位前都唔知發生乜事。精神同肉體好大挑戰，但絕對值得。入面冇咩係唔驚險嘅場口，好多高空拍攝，我畏高，冇法子惟有頂硬上，日日都好似拍戰爭片咁。」而阿Sa在片中要飛車、跳海、行屎渠及拍爆破場面，以「劫後重逢」去形容再次見到戲中的對手：「每個鏡頭都有『生命冇Take 2』嘅感覺，有場戲我畀保鮮紙包住個頭，腦部缺氧，嗰場戲真係有死嘅感覺，加上喺屎渠拍，拍完堅想嘔。」