歌手陳柏宇（Jason）前晚與師妹黃妍出席「千個聖誕老人夜跑2018」活動，現場有不少跑手參加長跑，不諳馬拉松的他說：「平時我鍾意玩舉重多啲，不過囡囡現時都係兩個月大，只得10磅，所以冇得攞個女嚟當舉重練，因為佢仲好輕，單手就可以舉得起喇。」父愛爆棚的他見現場有不少小朋友，即起哄叫全場小孩跟他一齊跳舞當做運動。
