雨僑韌帶撕裂唔畀老公孭

藝人雨僑以喱士晚裝配三吋高踭鞋出席活動，她透露早前不慎跌倒導致韌帶撕裂，幸近日傷勢好轉，才能盛裝出席：「嗰日我着住波鞋行平路，點知上樓梯嗰陣跣親，所以呢段時間除咗拍劇，主要都係做物理治療同留喺屋企休息。（老公羅力威有冇呵番你？）佢話要孭我，但我驚佢撞到我隻腳，所以即刻拒絕，搞到佢有啲嬲嬲豬。」提到老闆蕭定一旗下公司被指出現財政問題，她直言相信對方能夠處理，並指藝人部暫時一切如常，未受影響。