李泳漢搵仔女幫拖三代圓滿合體
童星出身的李泳漢與弟弟李泳豪一直都心痛父母離婚收場，近日家中再添一名小公主Charlotte，日前泳漢趁為下月一日滿月的囡囡拍照時，刻意安排嫲嫲施明與爺爺李家鼎「世紀合體」影全家福，齊齊整整三代同堂，令他頓覺人生好圓滿。
囡囡萬千寵愛
泳漢坦言之前與父親的感覺好疏離，直至兩歲兒子Alfie出世後，漸漸將大家距離拉近，見面的次數亦是以往的幾倍，因為爺爺真的很痛錫孫仔孫女，特別Charlotte更是萬千寵愛，泳漢說：「以前唔明佢哋點解要分開，豪仔就一早接受事實，同老竇關係比較密切，反而我就做咗人老竇先明白好多嘢，兩個人結婚唔會寫包單一定要Happy Ending，何況仲要維繫一個有小朋友嘅家庭，開始識得喺佢哋立場度諗，好似幫我解咗個千年心結咁。」問到可有想過父母復合？他則哈哈大笑，表示自己是後輩，這個問題絕對不能代答。
出糧上繳老婆
兩個小寶貝出世後，所謂「一闊三大」，泳漢承認使費增加不少，笑言每日都要「跑數」養家，對於從來對錢沒有太大感覺的他而言，現在一起身就出外返工搵錢，幸好太太Conny理財了得，他每月出糧就會全部奉上，交由太太「靈活善用」，更準備隨時迎接新成員。
