驚險保住子宮 董敏莉誕7.2磅小公主

藝人董敏莉前日雙喜臨門，除38歲生日外，亦是她剖腹誕下7.2磅囡囡的大日子！昨日她宣布喜訊：「我專登揀生日開刀，方便一齊慶祝，囡囡同我同月同日同磅數出世，真係緣分！囡囡中文名叫『子子』，英文名叫Martha。」她指分娩過程相當驚險，因第一次產檢已發現有子宮肌瘤：「肌瘤頗大阻住產道，所以醫生一早已經話要開刀，但佢講明有危險性，驚失血過多，有二千分之一機會要切除子宮，最終醫生盡力幫我止血，大小平安。不過佢話個肌瘤都幾大，可能半年之後要做手術切除。」而老公則全程在產房為她打氣。