沈德寶莉半退休歎世界
久未露面的名媛沈德寶莉（Deborah），前晚偕丈夫Keith現身，從事美容多年的她透露現已半退休：「我之前間公司有大股東入資，依家我只係做顧問，成日同老公周圍遊玩，要好好享受人生。（咁你對仔女呢？）佢哋都大個啦！阿女都30歲喇！依家喺澳洲做嘢，阿仔就做律師。（阿女結婚未？）未，呢個年代唔使咁快。」
同場有份行慈善時裝騷的黃致豪透露，已有10年冇行天橋，有少少緊張：「雖然我唔係好高，但都好鍾意做Model。」問到鍾意演戲還是行騷？他認為各有不同：「我會揀演戲，因為可以長久啲。（特登節食？）我呢期都食少咗，要保持身形。」此外，見他面上有兩條小疤痕，原來是被同睡的囝囝指甲刮到：「尋日見到佢指甲好長，但未得閒剪，點知起身塊面多咗兩條痕，好彩唔係好深！」
