默認老婆有喜郭富城就快講得！
天王郭富城昨日化身「健康局長」出席保險代言人發布會，分享其健康生活，他表示每星期至少練跑三、四次，游一次水，並到公園跑步呼吸新鮮空氣。城城更現場一展乒乓球技，又教大家做伸展動作，呼籲注意健康。由於囡囡仍年幼，他說暫時未能與囡囡一起跑步：「但見住佢由爬到識行，睇住佢成長好開心，個過程好Sweet、好幸福，呢刻好感恩，所以最緊要健康，有健康先睇到佢成長！」
日前太太方媛在ig上載照片，一直傳疑似有喜的她孕味漸濃，問到城城是否未是時候公布喜訊？他笑說：「唔講得住！（未夠時間？）都快o架喇！無論點都多謝大家，係開心事，畀多少少時間我，會同大家公布。（恭喜你？）多謝。」剛展開內地巡唱的他說：「因為做演唱會，要Keep住健身做運動，但試過拍戲要增肥，六舊腹肌冇晒，拍完戲用咗一星期操練，先至令肌肉同身形回歸。」
