陳凱琳佗B情緒波動

陳凱琳上身被大花遮住，仍可見腰肢變粗，上圍明顯升Cup。

Grace和陳慧琳（Kelly）同出席CAROLINA HERRERA香水品牌活勳，Grace身穿有大花造型服飾正正遮肚，還貪靚穿上4吋高跟鞋，她在台上表示現時心情既興奮又緊張，自爆懷孕後情緒波動需要減壓。在旁的Kelly好奇問她如何波動？Grace說：「一日內高高低低轉數好快。」Kelly則說當年懷孕時好易眼瞓。Grace又指佗B後不敢使老公太盡，怕日後要還，又說生完BB會再工作，Kelly即說：「你唔會想拍戲，你係唔會捨得走，一日都唔想離開！」

已知道BB性別

Grace笑言有向Kelly爆老公笑料，拍拖初期嘉穎常叫錯她做陳慧琳，叫到第三次她終於忍不住說：「我中文名係陳凱琳呀！」受訪時她表示睇卡通片有少少感動都會喊：「嘉穎好冷靜，話大肚婆有情緒好正常，仲話作為演員要記低呢種感覺，有機會用得番。」問到是否奉子成婚？她說：「呢個唔講喇，過咗3個月喇，依家穩定佗B。」對於黃智賢（Ben）踢爆嘉穎陪她照超聲波見到臍帶大嗌「好大條」，她笑言：「預咗佢會周圍同啲朋友講，所以Ben講出嚟都唔出奇。」問到是否期待身材升Cup？Grace說可能自己敏感，發覺很多人望着她的腰和上圍，而現時已知道BB性別，不過稍後才公布。

鄭嘉穎成為準爸爸後，笑口常開。	陳凱琳穿上4吋高跟鞋，與陳慧琳分享佗仔經。	活動後Grace在車內變裝，換上平底鞋。

• 調香師Louise Turner（左起）與品牌香水創意總監Carolina Herrera de Baez、陳慧琳、陳凱琳及穎通（遠東）有限公司總經理Wendy Lau合照。

活動後換平底鞋

另方面，嘉穎現身電影宣傳活動，「準爸爸」形容心情開心過攞獎及中六合彩，問到是否佗仔？他表示要保持神秘，但已準備攞假陪太太入產房，問到預產期，他說：「BB屬豬。（同你夾？）咁蠢？」活動後，Grace匆匆乘七人車離開，前往跑馬地一會所，期間她在車上「變身」，落車時已換上黑色平底涼鞋及鬆身上衣，腹部微隆已見肚，而她發現記者在場即風騷揮手道別，然後抽着一袋二袋步入會所。