李泳漢再做老竇 施明抱孫女圓夢

李家鼎兒子李泳漢的囡囡Charlotte上星期出世，重6.2磅，樣子似足哥哥Alfie，精靈可愛，全家都非常興奮，特別是再做嫲嫲的施明，泳漢說：「媽咪一直好想生女，點知一生就孖仔，之後都想繼續追。所以我今次係幫媽咪圓咗個夢想，佢抱住孫女簡直笑到見牙唔見眼，睇得出真係超開心。」
李泳漢喜得「小公主」，最感激太太Conny。
李泳漢喜得「小公主」，最感激太太Conny。

泳漢又形容終於感受到「前世情人」的威力，每次抱起時，囡囡都「口擘擘」似嘗試跟他說話，令他整個心完全被融化，並感激太太Conny送給自己一個小公主，他笑說：「依家湊成個『好』字，最好不停『好』落力去，但知道太太辛苦，一定要錫晒佢。」至於再做叔叔的泳豪心情一樣激動，每日探望時都搶住抱B，場面有趣又溫馨。

施明抱着孫女開心大合照。
  • 施明抱着孫女開心大合照。