Aka撩林奕匡：你教我吹！
歌手林奕匡（Phil）前晚在九展舉行尾場演唱會，大晒音樂才華吹色士風，Super Girls隊長Aka繼續擔任嘉賓，Phil笑言要對方教跳舞，誰知Aka口快快說：「好呀！唔收學費，你教我吹！」而嘉賓陳詠謙及細So則取笑Phil不敢與女舞蹈員有親密接觸，又以過來人身份勸他暫時不要生B，Phil只懂尷尬傻笑，細So笑問：「你呢個笑容唔係話我知有咗嘛？」觀眾即起哄大叫！
騷後受訪，提到在台上表示想Phil教「吹」，Aka緊張地解釋：「唔係呀，我想講吹色士風，但我快咗！」Phil指當時沒有聽清楚，覺得對方想說「吹水」，又否認太太李靄璣有喜，更自爆沒跟對方講過跟女舞蹈員跳舞：「佢之前話唔想睇住，想現場先睇，Dancers有就住我，練嗰陣冇乜身體接觸。」