翠如Cosplay愛麗絲除衫喪跑
黃翠如Cosplay成童話人物「愛麗絲」，為新劇《過街英雄》在銅鑼灣拍攝喪跑戲，吸引逾二百市民圍觀。她雖然顯得怕醜，但喪跑五次也沒喘氣。
無綫花旦黃翠如、吳嘉儀與唐嘉麟日前晚上在銅鑼灣鬧市為無綫新劇《過街英雄》拍攝狂奔戲，扮演「老鼠俠」的森美則在大廈現身。翠如變身「愛麗絲」，吳嘉儀與唐嘉麟則分別Cosplay成「美少女戰士」及「禮服蒙面俠」，吸引逾二百市民圍觀。拍攝前，翠如在大批市民圍觀下顯得相當怕醜，穿上外套遮掩造型，一臉尷尬。
冇畀蕭正楠睇
不過到正式埋位拍攝，翠如除下外套即應監製要求喪跑，變身短跑選手一樣，出盡全力由街頭跑到街尾，為遷就拍攝角度，來回喪跑五次都沒喘一口氣，狀態一流。對此，她笑說：「因為呢套劇跑咗好多，哈哈！」
由於現場大批市民舉起手機拍攝，問到是否尷尬？她笑說：「我本身唔係好自在，但見到隔籬美少女戰士條裙咁短，自己就舒服啲，好彩唔係扮美少女戰士，哈哈！」問到男友蕭正楠可有欣賞其造型？她說：「冇呀！我以前拍劇扮過女僕，自己睇到都打冷震，今次算OK。冇畀佢睇，我諗佢想我做番個正常人。」扮美少女戰士的吳嘉儀則說：「大家都好好提我小心啲，驚我走光。」