菊梓喬《使徒》帶挈賺到首個1,000萬！
「星夢」新寵菊梓喬（Hana）成為今年「歌曲點擊女王」，去年推出的無綫電視劇《使徒行者2》片尾歌《忘記我自己》，由去年11月推出至昨日約1年間，在YouTube的點擊衝破1,000萬，她昨日受訪時開心說：「我係第一次有一千萬！我都知首歌成績好好，但呢個係好多好多人嘅努力，多謝公司畀一個好好嘅機會我，好感恩有人生第一個一千萬。」但笑言未賺到「大錢」，故不會買禮物自我獎勵。
暫成全年女歌手最高
Hana最近主唱劇集《跳躍生命線》插曲《但願人長久》，被網民激讚比原唱者盧冠廷唱出更無奈的感覺，她謙稱：「唔會好聽過盧冠廷先生！佢唱出嚟嘅味道係好唔同，我自問閱歷未夠，我只係用自己方式去唱。」而唱片公司CEO何哲圖則大讚她：「Hana首《忘》係今年至3號為止，係全港最高點擊嘅女歌手，我覺得可以鼓勵同業做好歌。」
另外，Hana昨日到朱古力店擔任一日店長，獲何哲圖及師妹戴祖儀撐場，還有不少粉絲到場跟她做朱古力，並將善款資助要接受鏢靶藥的癌症病人，自幼捱苦的她希望能帶給病者苦中一點甜。
