郭羨妮陪做功課自嘲讀番小一

藝人郭羨妮（Sonija）昨日為慈善跑主持起步禮，自言以往有跑開步，但誕女後便沒有再跑：「膝頭好易受傷，唔知係咪因為鈣質流失！囡囡都好動，有學Jazz同體操，佢跳舞好犀利，我只係做觀眾，係有時會逼我哋跳。」又透露女兒剛升小一，每日都要監督做功課：「睇吓有乜甩漏，好大壓力！好似我讀番小一咁！（安排囡囡去外國讀書？）有咁嘅計劃，等大學先。（去選美？）又唔一定要。」雖然有戲癮，但她指要待女兒可自行處理功課才考慮。