又南孭父債被「問候」
藝人黃又南日前接受電台節目主持梁泰來訪問，大談當年為父還債：「頭4年每月還8至9萬，每日用少過100蚊。除咗工作，我多數留喺屋企。」又透露曾在演出時收到債主電話，更被粗口問候：「當時心情有啲矛盾，但冇後悔過！如果可以重來，我都會為父還債。」
提到近年父親患腦退化症，他坦言曾極力反對把父親送去護理院而與姊姊鬧翻：「家姐兩、三年前已經搬走，我就一直同屋企人住，我覺得佢根本唔當一回事，每次講到呢樣嘢，我都唔想同佢講落去。」不過，由於媽媽對父親患病感到無比壓力，更為丈夫曾走失而內疚至今，最後還是忍痛叫姊姊送爸爸到護理院。