連詩雅徐浩拍拖跑5K玩避忌
歌手連詩雅（Shiga）昨晨與男友徐浩、鄭融、吳浩康、組合C AllStar成員梁釗峰、小肥、梁諾妍、黎紀君和董嘉儀等，現身迪士尼樂園出席「10K Weekend2018-AIA Vitality健康程式全力支持」的「5公里跑」。
Shiga自從與徐浩「翻撻」後經常出雙入對，可是參加比賽卻玩避忌，除了拒絕情侶合照，影大合照時亦保持距離，受訪時更「絕情」說不會跟男友一齊跑：「我哋唔係一齊跑，係大家一齊參加呢個賽事。（平時呢？）通常自己跑，或者同女仔跑多啲，有伴開心啲。」是否怕與男友跑時只掛住望着對方？她說：「冇諗到咁複雜，淨係諗到男仔同女仔嘅步伐唔同。」
釗峰最快
雖然女友把口「嫌棄」，但比賽時徐浩全程陪在她身邊，未知是否遷就跑速，他以35分21秒完成賽事，成為男藝人中跑得最慢的一個，相比女友的37分43秒，僅快2分22秒。而梁釗峰跑得最快，僅用了22分01秒；梁諾妍就最「輕鬆跑」，花了48分39秒才完成。同場的鄭融就大方談戀事，自爆平時跑得快過男友：「佢跑完好似要入醫院咁滯，成塊面紅晒。」