龍劍笙感動哽咽生日照排戲

阿刨昨日率領新秀鄭雅琪及新娛國際老闆丘亞葵等到金鐘出席粵劇《蝶影紅梨記》記者會，宣布劇目於本年12月20日至30日（25日休息），在演藝學院演出10場。今次是相隔26年再演此劇，她早於8月初在溫哥華與鄭雅琪開始排練，並親自參與製作戲服及布景等籌劃工作。

年輕演員添活力

丘亞葵近年積極參與粵劇製作，與阿刨建立良好合作關係，每年都誠邀她返港演出，去年演了20場《牡丹亭驚夢》，全部爆滿。今年他再接再厲邀請阿刨夥拍鄭雅琪演出《蝶》劇，合演者包括梁煒康、黎耀威、盧麗斯和關凱珊等年輕新秀。

台上阿刨表示此劇目是當年休息前最後一套演出作品，今次再演，多了一些年輕演員參與，多了一份活力，期間一度感觸哽咽說：「會照以前嘅模式做，亦會帶出另一種感覺，希望大家重新欣賞。」她又問現場Fans有否看過該劇目？Fans拍掌表示看過。

大讚鄭雅琪醒目

受訪時，阿刨表示劇本有些少改動，希望加快節奏，但不會刪減太多，又坦言很喜歡角色：「好鍾意！夠癡情，未見過個女仔都咁鍾意，好似依家網上WhatsApp識人，都未見過，係難演o架！咁癡情！」對於後輩鄭雅琪的評價，阿刨讚不絕口：「佢好叻好醒，有好多演出經驗，唔好話教，只係排嘅過程，大家要感情溝通得好好。（點睇之前演出有兩個花旦，今次變為一個？）只係慳番啲精神，始終之前嘅劇目都做過，但呢套要由頭排練，如果夾兩個花旦就會比較攰。」講到今日生日，阿刨表示都要繼續排戲：「冇乜慶祝，冇所謂啦！（約朋友食飯？）飯就日日都食，冇乜特別嘅。」

梁煒康（左起）、丘亞葵、龍劍笙、鄭雅琪和盧麗斯期望演出順利。	龍劍笙與鄭雅琪早於8月初已開始排練。	眾人出席記者會，場面熱鬧。