「舊愛」吳啟華驚聞噩耗嘆可惜
1985年因合作無綫劇《六指琴魔》而與藍潔瑛傳緋聞的吳啟華，跟她同是第12期藝員訓練班，對伊人離世，啟華昨日回應時大感錯愕：「好突然，真係好可惜！（見面？）好多年前，當時聽講佢神情有啲異常，去佢屋企探過佢、同佢傾吓偈，當時佢幾令我擔心，佢話見到污糟邋遢嘢，仲話喺我後面都有一個喺度，我都畀佢嚇到有啲驚！」
他憶述當年訓練班的情況，表示大家經常圍埋一齊，感情深厚：「有段時間走得幾埋，成日一齊玩、一齊拍戲，最多戲係賀歲劇《愛情全盒》。（佢性格係點？）佢後生時性格比較執着、偏激，係麻煩啲嘅人，相處耐咗唔係咁舒服，因為佢乜嘢都要彈，所以慢慢少朋友！依家人都走咗，只能夠祝佢一路走好！可能去第二個世界更加適合多啲！」