狄美摩亞曾踏自毀路壓力爆煲變冇牙婆

現年55歲的荷里活著名女星狄美摩亞（Demi Moore）日前由兩名女兒陪伴，於洛杉磯出席年度Friendly House女性戒療計劃頒獎禮暨午餐聚會，曾被爆有自毀傾向的她，獲大會頒發年度女性獎，在台上分享康復經過。她重提年輕時有自毀傾向：「於事業起步嘅初期，我走入咗自毀嘅路，無論有幾成功，都覺得永遠唔滿足，覺得自己無價值，而呢條自毀嘅路，好快就帶我走入危險，嗰陣唔係好知原因，可能係上帝旨意，有兩個我唔係好熟嘅人出手幫我，佢哋帶畀我希望，唔係因為咁，我都企唔到喺度。」她不忘傳播正能量：「我曾問過智者意見，我同佢講我覺得自己唔夠好，佢就話，你永遠唔會夠好，但你要知道自己有價值，唔好再量度自己。」她亦特別感謝三名女兒的支持，並鼓勵大家要懂自我欣賞。