何韻詩開騷「自」療
歌手何韻詩昨日上電台宣傳12月的音樂會及市集，講到今日正式賣飛，她表示為防再「冧Server」會簡化程序：「上次預售為咗擋黃牛，就搞到好複雜，到時入場都會抽樣檢查，如果證實唔到係本人就Bye。」
海報方面由已故好友盧凱彤的太太余靜萍（小余）操刀，阿詩說：「佢捉到就連我自己都捉唔到嘅溫柔，仲話察覺到我比起初相識冇咁無憂無慮。」
問到小余心情是否已平復？她坦言大家好努力慢慢去恢復，屆時開騷會用自己方式悼念好友︰「騷入面有擺自己嘅經歷入去，我係逼得自己好緊，但會識喺臨界點叫番自己返嚟，今次希望可以同大家分享、互相提醒，同時都係畀自己嘅療愈過程。」