無綫咪神李旻芳（Lucy）與男友黃耀英（Darren）自拍拖以來愛得甜蜜，昨日她在網上發文大讚Darren的優點：「話說我唔舒服，佢怕我瞓瞓吓會嘔，所以佢唔瞓都照顧住我，坐喺床邊睇住我，又準備定晒水同藥喺側邊，定時餵我飲暖水，起身見我好番啲，有番少少胃口就切好晒水果畀我食，又幫我洗晒廚房嘅碗碟，望住佢喺廚房洗碗嘅背影我就覺得好幸福喇！」網民指她自爆與男友同居關係。