阿嬌冒險潛水影婚照

藝人鍾欣潼（阿嬌）、賈曉晨（JJ）與余安安等前晚出席電影《失蹤》煞科宴，將於12月20日擺酒的阿嬌透露，剛從墨西哥影婚紗相返港，笑言冒生命危險拍攝水底婚照，加上天氣凍，浸足幾粒鐘辛苦非常。問到何時休息作婚前準備？她笑說：「冇休息，之前喺美國做晒所有儀式，20號只係擺酒。（同老公有冇意見分歧？）做完真人騷返嚟覺得心態好好，賺咗同老公相處時間，而且信任度大咗，收穫好大。（生仔未？）兩年後先，啲人話我有孕味，其實只係肥咗，擺酒前會瘦番。」