「一代大俠」岳華於本月二十日在加拿大逝世，其親友於香港時間今日凌晨十二時在加拿大北溫哥華Boal Chapel & Memorial Gardens為岳華舉行出殯儀式，不少岳華生前好友包括張之珏等均飛到當地出席。已身在當地的張之珏接受本報訪問，表示前晚跟親友原本到唐人街的越南菜餐廳吃晚飯，因為訂不到位，故改去另一間西餐廳，抵達時他感到愕然及「毛管戙」：「因為兩年前我同岳華見面喺呢間餐廳食，佢仲話：『你下次再嚟，我要再同你食多次。』所以今次去到毛管都戙晒、眼都紅咗，真係感觸良多，諗起當時同華哥同埋恬妮兩母女一齊食飯，呢個世界有冇咁啱？」