張建聲原定下周去菲律賓拍攝首次做導演的酒商品牌廣告，卻撞正下周將殺到的「玉兔」來襲，但因為已籌備好拍攝計劃，機票、酒店、工作人員全部俱備，他經考慮後決定依照行程於下周初出發：「因為所有嘢都準備好晒，同埋個風都未知吹去邊，我哋照去住先。今次拍廣告仲要潛水，拍啲水底鏡頭，都有啲製作，所以除非菲律賓出預警先再考慮。」
