薛凱琪患眼疾做手術
藝人曾志偉、余安安、薛凱琪及「人氣俄仔」Ansheles等前晚現身銅鑼灣，出席「Fashion Walk Halloween Styloween香港喪Z行」，活動為護眼慈善組織募捐。
薛凱琪自爆早前受眼疾困擾：「可能喺內地拍劇長時間戴隱形眼鏡，搞到成日流眼水，滴眼藥水要滴半支，日頭幾乎唔可以拍外景。」她又謂個半月前終於接受了視力手術：「依家唔使戴眼鏡，可以拍足30個鐘，好明白擁有健康眼睛唔係必然嘅。我做完手術，翌日即刻上機去內地做真人騷嘞！」
志偉笑余安安似喪屍
至於志偉特意從四川趕返港，甫落機即趕到現場支持，他打趣形容發起人余安安：「佢好似喪屍咁喺我身後，點敢唔嚟？」安安即搞笑說：「唔係好煩啫！1日打兩次畀你之嘛！」談到四川之行，志偉說：「我去為『內協會』睇地方，因為繼香港、北京、橫店及成都後，我哋都想喺嗰度成立辦事處。」並順道參觀古蹟及探訪大熊貓。而Ansheles則透露年半前與安安合作拍劇，首集近日出街反應不錯，他大讚對方是專業前輩。
