楊張新悅紮肚收身跪低食飯

楊張新悅誕下囡囡不久，已火速收身孖老公楊哲安Fit爆登場。

楊張新悅（Nicola）於今年7月誕下女兒Lola，一家六口非常熱鬧。前晚Nicola孖着老公楊哲安出席香檳品牌活動，身形弗爆，她表示近日為催乳及紮肚用品代言，每天紮肚紮足十小時，紮了20天，她笑說：「戴上腰封似足機械人行動不便，連食飯都要跪住食！補咗兩個月，呢個月其實冇乜食嘢，加埋少少腹部運動。反而老公就肥咗，食晒我唔食嘅飯！」

Nicola一向喜愛品酒，坦言是成為媽媽後的唯一消遣，全因喝酒可令她心情放鬆：「同老公平時會等小朋友瞓晒，就會開支酒飲。有時老公返嚟見我開咗酒，就知我嗰日唔好惹，哈哈！飲酒可以減壓，自己好鍾意飲香檳，飲完好High，傾心事就要飲紅酒。」提到早前她指薛芷倫P圖過甚，她表示二人仍有聯絡。

任達華囡囡初嘗酒味

同場的藝人任達華透露現年13歲的女兒任晴佳早前初嘗人生第一滴酒：「佢上科技堂要試酒精成分，呢種教育方式幾好，可以喺視覺上學習，唔會淨係得文字咁悶。我第日會教個女飲酒，知道品酒嘅享受。」另外，名模Amanda S.透露早前放了一個悠長假期，幾乎遊遍整個歐洲，令她充滿力量，回港繼續工作。

任達華最愛與太太琦琦品嘗香檳。

外遊充電返港的Amanda S.，分外容光煥發。