閨蜜李靄璣讚Sweet：早啲磨合唔係壞事！
黃美棋曾為歌手林奕匡與太太李靄璣（Rikko）婚禮擔任「星級姊妹」，今次輪到閨蜜和男友鍾健威（Ray）邁向結婚，Rikko說：「我都知佢哋有結婚打算，不過應該唔會咁快，佢哋真係好Sweet，之前Ray因為壓力大到失聲，美棋就專登請幾日假陪男友去旅行減壓，之後Ray就冇事。」
問到可贊成情侶結婚前同居？她以過來人身份說：「唔係壞事囉！」又指當初和老公拍拖兩年就決定同居，覺得共同生活有好處：「所謂相見好，同住難，試吓一齊生活就可以更了解對方，早啲知大家喺生活上有咩唔夾，有時間去磨合。」自爆和老公曾在同居時「吵大鑊」的她，當時嬲到離家出走四天，但「分開」後很掛住老公，令她明白深愛對方，恩愛更勝之前。