折返塞車見唔到最後一面 黃秋生丁母憂

藝人黃秋生前日拍劇時曾透露其母病危的消息，想不到事隔一日即傳來噩耗，黃母昨午安詳離世。秋生接受電話訪問時禁不住哀傷，以沉重語氣回覆：「我咁啱喺醫院睇完佢離開，中途接到電話想返轉頭，點知塞車，差十分鐘，見唔到佢最後一面，不過佢嘅神息仲喺度嘅。我有喺佢耳邊講咗啲嘢，內容就唔好講喇，好彩我之前都陪咗佢兩個鐘。」
暫已完成手上工作的黃秋生，將全力處理母親身後事。
暫已完成手上工作的黃秋生，將全力處理母親身後事。

剛巧完成手頭上所有工作的秋生，未來數天會全心為媽媽籌備喪事。問到母親有甚麼遺願時，他說：「佢生前已經講唔到嘢，得一隻眼睇到，我幫佢搞啦！（囝囝喺外國讀書返嚟奔喪？）唔好搞佢哋喇，返緊學嘛！」

黃秋生與母親感情深厚。
  • 黃秋生與母親感情深厚。