張兆輝吳岱融有仇？打到傷手筋

張兆輝與吳岱融打得肉緊，劇組人員以為他們「真打」。

於無綫新劇《黃金有罪》中，張兆輝飾演一名過江龍，由泰國來港，之後更成為金融大亨，而吳岱融則飾演泰國黑幫大佬，不時加害他及演其父的姜大偉。由於劇集背景是七十年代，不少演員都要戴假髮上陣，張兆輝說：「好彩唔使成個頭戴，只係加厚兩邊，希望去到尾段能够用番真頭髮啦！」

日前，他與吳岱融拍攝激烈打鬥戲份，他受訪時說：「嗰場戲我哋聽唔到導演叫Cut，啱啱又打到跌低，撞爛個木架，同吳岱融憑住經驗覺得可以繼續打，所以順住落，做完嗰場戲，監製、導演都好滿意，仲以為我哋有仇，似真打，大家都好有滿足感。」不過，拍攝後他傷及手臂筋及周身瘀，他幽默地說：「好多人送咗跌打酒、去瘀膏畀我，好感動！其實差唔多日日04通告，去到泰國我以為自己接咗套武打片添，難就難在時間唔多，為咗節省時間，好多都親身上陣，當做運動啦！」

流動廁所有歌聽

而子羚於劇中與張兆輝有錯綜複雜的感情戲，她指泰國經常落雨，天氣又熱，故風扇不離手，讚劇組安排好好：「喺外景搭咗個篷，擺咗啲好似自助餐咁，佢哋知我食素，都有預備畀我，又有泰國冰條同甜品，伙食好好。呢度仲有流動廁所，有冷氣又有音樂。」

撳住砌唔停手	姚子羚與張兆輝正於曼谷拍攝外景，表示經常有好嘢食。	姚子羚曼谷飽口福 個甜品咁靚，難怪姚子羚食指大動。