陳奕迅開通爹哋歡迎阿女帶仔返歸

Eason唔係專制老竇，覺得阿女識男仔好正常。

獨霸全屋嗌正

提到老婆徐濠縈打算陪女兒到外國讀書，Eason笑言：「咁正？好耐冇試過一個人霸晒成間屋，唔係咁益我呀？（捨得咩？）到時先知，都未發生。」他指自己讀書時並沒掛住屋企，又覺得女兒入讀男女校比女校正：「真係唔會掛住屋企，青春期應該咁，唔擔心。（想佢玩多啲？）都要讀書嘅，平衡囉。」至於可擔心女兒帶朋友回家？他表示自己當年不敢，而女兒亦甚有交帶：「有朋友正常嘅，不過好少朋友嚟我哋屋企。我好開通嘅，適當時間咪見面，你哋講到佢就結婚咁！（要買定嫁妝！）我哋唔興㗎！」

鍾意牆角按摩

Eason自爆最愛用牆角或朋友的手（月爭）按摩：「好正㗎！仲可以練埋腳力。唔係人人都識幫人按，我就好叻嘅。（阿女有冇幫你按？）佢唔識，我好受力。」

徐濠縈表示會陪女去讀書，Eason笑言可以霸晒間屋。

陳奕迅與司儀森美交流仔女經。