莊思敏擇偶無疆界：係仔就得！
莊思敏、莊思明、露雲娜與胡渭康等前晚出席以「夜上海」做主題的慈善晚會，莊思敏指媽咪是上海人：「細個因為曳，媽咪成日用上海話鬧我哋，所以我哋識聽。」揚言愈來愈鍾意上海的她，被問何不找當地男士拍拖？她笑說：「係男仔就得㗎啦！」又爆其女助手桃花緣勁旺：「佢搭港鐵都有人問佢攞電話，我要吸佢嗰啲旺氣先得。」
胡渭康的雙親曾患腦退化症，問到可擔心將來會遺傳此病？他說：「冇得驚！照顧你嗰個大鑊啫！（快啲搵番個伴？）特登搵個伴照顧自己，咁我請個工人都得啦，情願真係緣分到先算。」露雲娜則透露明年開騷，但場地未定。