藝人李日朗（Don）及張沛樂（沙律）前晚出席新片《特區》眾籌啟動活動，沙律表示戲中有色誘男主角海鳴威的戲份：「好大挑戰，唔係奸，只係一味想搵多啲錢。（有冇情慾戲？）都有場床上嘅動作戲，唔係好色情，但要做好多動作，要出動替身，我淨係個樣負責做戲，唔係裸露嘅問題，係啲動作好難做。」
Don表示今次眾籌在港算是第一次，因作品是網絡電影，現想去大銀幕，就要將質素提升：「所以各位網友畀幾千蚊都可以做投資者。（目標籌幾錢？）準備200萬網絡貨幣畀大家眾籌。」
