張之珏哽咽：冇人可替代！
藝人張之珏對於好友岳華離世表現傷心，他表示原本約了明年去加拿大探對方，怎料已天人永隔！他指對方是他最尊敬的頭號藝人﹕「喺我心目中冇人可以替代佢，佢嘅演技、笑容、親切友善。佢嘅離去，係冇辦法可以填補。」又指雙方有很多回憶：「喺香港每次有大閘蟹上巿，佢都會打電話叫我食飯，我睇住佢個女大，前年去加拿大仲同佢哋一齊食飯，好開心。」他自言彷彿有第六感，昨日突然戴上岳華贈送錶帶的手錶，他哽咽地說：「華哥，永遠永遠想念你，I Love You！」
去年曾在網上公開尋岳華的馬海倫，大讚對方是稱職的明星、丈夫及父親：「佢係一位君子，回港拍戲呢八年佢好開心，一冇通告就會約打牌。大家來世再合作。」而前亞視藝人陳維英亦感難過：「上年喺溫哥華見過。（岳華太太恬妮同女兒喺醫院為佢念佛12小時？）係有念佛。」而電台DJ車淑梅曾訪問岳華夫婦，她以「凹凸夫婦」形容他們，節目中岳華曾爆太太逼婚，指有次在外地拍戲通長途電話時，對方問他會否求婚。