李佳芯自認實際：換獎唔馨香！

藝人李佳芯（Ali）昨日出席活動，有傳她為奪視后而煞停婚事？她即笑說：「首先我自己都唔知有婚事，其次公司畀唔畀獎我都冇人知，獎呢樣嘢唔係換番嚟！換得到都唔馨香！要實至名歸，值得攞先攞，唔想攞完畀人鬧。」講到同是視后大熱的陳煒亦睇好她？Ali說：「煒哥人太好，佢亦都係我前輩。（勁敵？）呢啲好主觀，其實《深宮計》同《BB來了》入面嘅角色係完全唔同，兩套劇完全唔一樣，所以好難比較，自己會平常心去睇獎項，唔諗咁多。」