朱晨麗企正爭視后熱爆

朱晨麗今年爭視后信心大增。

無綫正式宣布踏入台慶月，昨晚舉行的《TVB 50+1周年再出發》宣傳三套台慶劇《跳躍生命線》、《是咁的，法官閣下》及《兄弟》，以及多部綜藝節目等。多位藝人汪明荃、田蕊妮、蕭正楠、朱晨麗、王浩信、王君馨、黃智賢、伍允龍、劉佩玥及傅嘉莉等盛裝亮相。藝員排位方面，以「鎮台之寶」汪明荃站在最前排正中間，兩邊有視帝王浩信、蕭正楠及視后田蕊妮、朱晨麗傍實，馬德鐘、楊明及張振朗等位置亦當眼，而選美入行做主持、引起不少回響的麥明詩和馮盈盈，則被安排第一行靠邊站。

談到今年排位「升呢」，朱晨麗笑說：「榮幸，多謝公司畀機會。《兄弟》有一班好演員，值得大家留意。（去年攞女配，今年升呢角逐女主角？）隨緣啦，獎項嘅嘢交畀神。」田蕊妮則透露將會主持新節目《女人四十》，笑言今次「子宮都出鏡」﹕「我哋攞晒啲女人好驚嘅嘢出嚟討論，包括生仔。（做主持比拍劇輕鬆？）做主持要諗話題去做，消耗好多腦力，而我敢話依家自己係人生中最靚嘅階段。」

田蕊妮預告新節目會講勻「女人最驚」的事！	又到台慶亮燈之夜，眾星排位成為焦點。	王浩信宣傳《兄弟》時，明顯靠向朱晨麗及伍允龍，與曾傳緋聞的江嘉敏隔成個身位！

馬德鐘拍《跳躍》有頓悟

剛從西藏返港的馬德鐘，首度為主演的《跳躍》宣傳，表示對劇集反應好感高興，又指該劇拍攝後有很多反思，明白意外無常，故才特別與太太到西藏感悟人生，問到可有高山反應？他說：「去到三千幾海拔已經有，冇吸氧氣，因為吸咗唔可以再上更高，要慢慢適應，好似頭痛同想嘔咁，太太都有反應，好在唔係同時間，可以互相照顧。」節目中還播出新節目的花絮片段，其中於《兄弟姐妹去旅行》中，胡定欣、姚子羚、蕭正楠與曹永廉「共浴」，各有各享受。

馬德鐘「歸隊」，首度與拍檔張曦雯宣傳《跳躍》。

王君馨性感與黃智賢出場，與難得Deep V的劉佩玥（下圖）各自搶鏡。