陳智燊笑兒子口大鼻大

藝人陳智燊（Jason）的囝囝現時一個多月大，由於他在BB出世後忙於工作，現時才有時間看回早前為囝囝拍下的相片及影片，坦言最感動是BB於醫院時腳上的牌仔相：「好開心！當時佢未有名，佢係『宋熙年之子』，成件事係好感動。」又指BB出世時五官很標致，長得似媽媽，但現時變得口大鼻大，很多朋友覺得像他：「我覺得佢眼嘅精靈似媽媽，其他似我。（相處成點？）好攰呀！之前陪月放咗兩日假，佢一喊大家同佢溝通唔到，我哋不停重複餵奶同掃風，老婆坐完月都冇得瞓，好戥佢辛苦。」