Rosemary「逃獄」影全家福
名模Rosemary上月18日凌晨1時11分誕下兒子，雖然BB仍未滿月，但坐月中的她已急不及待要帶仔仔出街，一家三口更到海灘影全家福！Rosemary透露仔仔叫Hendrix Swamy，現時忙於餵人奶，幸有請陪月照顧：「囝囝食得又瞓得！我同老公都一見到佢就好開心，趁假期就第一次帶佢出街去飲茶、公園等等。」
提到母子巧合地同一日生日，她憶述遇颱風「山竹」襲港，令她甚擔心：「打風後因為好多樹冧咗，搞到好塞車，我用咗兩個幾鐘頭先去到醫院。（擔心喺車度生？）好多事都可能發生，我唔敢諗！去到醫院都痛咗十個鐘，嗰種痛真係冇任何嘢可以比，不停自我催眠唔痛！去到半夜，醫生話我可以生，但我真係想我哋同一日生日，所以一直話再等等，等到18號先生，真係好難得。」