古巨基向方皓玟求生仔秘方
古巨基（基仔）將於12月中夥拍剛誕B的方皓玟（小明）在會展舉行音樂會，兩人昨日現身記者會宣傳，他對小明的三個月大囝囝相當感興趣，不時想約見面：「我睇過佢啲相，好得意！想見吓真人，吸吓啲生命力。」問到是否恨生BB恨出口，他說：「想吸吓啲BB氣！其實我係好鍾意玩人哋啲BB。」又望實小明說：「你忙我可以幫你湊！」
被問雪卵：雪櫃唔夠大
快將結婚四年的基仔坦言生BB要順其自然，奈何與太太工作太忙不夠時間，提及造人需時不多，他笑說：「咩呀？（你好耐㗎？）人係需要時間培養（感情），你當我係動物啊？（食補品補身？）覺得我唔夠補？咁要問小明老公有乜橋。」但小明坦言要靠撞彩！至於可會考慮非自然方式助生育，如雪卵？基仔先問可有介紹，又開玩笑：「我屋企雪櫃唔夠大，因為雪咗好多嘢。」新手媽媽小明指產後休息三個月已足夠，日籍老公知她事業心重，故支持她繼續工作，現時收工後要即趕回家湊仔，基仔問到半夜可有被嘈醒？她坦言：「我會照瞓！」
另外，基仔昨日在社交網留言，指有朋友問他是否有新的Facebook帳戶，令他擔心被盜名開假戶口，故特意提醒大家要小心。
