甩拖江美儀驚爆有情緒病

藝人江美儀早前宣布與男友吳君祥已分手兩年，卻被踢爆兩人原來早已秘婚，她昨日接受《東張西望》訪問，首次開腔回應：「唔好意思，我只不過係一個小演員，冇諗過大家咁緊張我嘅私生活。」又解釋一直沒有公開感情狀況，是因為怕自己難以處理：「我之前有情緒病，如果分手又要同大家交代，我係接受唔到！」雖然情緣已盡，但她指現時與吳君祥是好朋友：「我哋依家係獨立兩個個體，大家都一齊咗十一、二年，我好信緣分過就過。我哋兩個係好人，冇話有第三者，只不過覺得大家係朋友多過似伴侶，依家我哋仲有每日聯絡，聯絡點『拆彈』。」