Yumi脹足幾年誓減20磅
藝人尹蓁晞（Yumi）「失蹤」多時，前晚與林雅詩、黃榕、吳堯堯等到中環出席寫真活動，身材仍然脹爆的Yumi坦言已脹了幾年：「依家想健康為主，但朋友都戥我緊張，叫我減番40磅，我就想減20磅。」她自爆一直受甲狀腺問題困擾，幸已逐漸康復並已停藥：「不過病咗都造成壓力，長期食藥亦令身體承受唔到，出濕疹近一年，我覺得有少少抑鬱同埋唔想見人。」她表示會以曾患同樣疾病的苟芸慧（苟姑娘）為榜樣，大讚對方收身後索爆！而「失蹤」期間，Yumi表示忙於搬屋、學演戲及練瑜伽。
黃榕轉吼熟男
黃榕以桃紅色泳衣配紗披肩打扮搶鏡，剛失戀的她表示要以此打扮催旺桃花：「分手理由真係令人接受唔到，佢話我係好女仔，但佢冇結婚打算叫我搵第二個！（催婚逼得太緊？）雖然我有喺節目講過佢會係結婚對象，但冇逼婚，我亦解釋咗，但佢好堅持，又堅稱話唔係有第三者。」不過，朋友已有好介紹，她亦想快點找得結婚對象，問到可有算命求姻緣？她說：「師傅話我手掌有個Y形，感情會有頭冇尾。（搵熟男，快啲組織家庭？）我都鍾情小鮮肉，不過今次教訓令我改變，係時候搵熟男。」
