藝人肥媽（Maria Cordero）「帶隊」拍攝無綫節目《大灣區活好D》，於節目內食用順德魚生，指當地自己養魚很安全，而事件引起食安中心及衞生署關注，先後於社交網「正視聽」，指一般環境下飼養的淡水魚都可能有寄生蟲造成膽管梗阻及肝硬化等症狀。
肥媽回覆記者查詢，依然相當有信心：「拍完節目我做咗全身檢查，乜事都冇，好正常！拍嘅時候我睇住佢哋養，我又冇叫人食自己唔食，亦唔係人哋食咗我有錢賺。」又表示未有擔心形象受損，有指她稍後會帶團到大灣區旅遊。
至於同行的黃美棋亦覺得拍攝當日餐廳及師傅專業，故放心食用：「水質同埋食物來源都清楚嘅，我都係抱住好奇嘅心態去試，從未咁樣食用過，食咗又真係幾好食，日本三文魚都被指有問題啦！腸胃唔好嘅朋友就要小心選擇！（講稿？）唔係，節目對答全部自己講嘅，因為係生活化節目，食完咪自己講囉！」