藝人林穎彤和胡諾言前晚出席活動時，透露將參與明年的馬拉松賽事，首跑10公里賽事的林穎彤自言擔心又緊張：「目標係完成賽事，唔好暈低！一知道要參加挑戰就開始操，依家都係練緊五公里。」她坦言覺得辛苦，但冇後悔參賽：「當為錄歌練氣。」胡諾言自言長跑成績屬「水皮」，問可有感染老婆陳琪愛上跑步？他笑以「拉牛上樹」來形容：「好想佢可以踏出第一步跑10公里，但真係未得！」
