張靜茵試后冠誓破咒

張靜茵（左）與溫馨試戴后冠後信心爆棚。

張靜茵坦言試戴冠軍后冠感到非常幸運，問會否怕有魔咒戴完不能奪冠？她說：「我唔迷信，覺得自己盡咗力，享受過程就得，有信心。（有咩必殺技？）平均，個個範疇都幾好，最有信心行Catwalk同埋問答。」又指對泳衣環節充滿信心，自誇已相當Fit，現在是完美狀態，對於上圍不及李芷菱豐滿，她說：「各有特色，我會將自己嘅優點展露出嚟。」

李芷菱瘦身唔瘦胸

谷兩吋事業線的李芷菱自言信心大增，又指收身是自己最大問題，近一星期開始積極節食，食得非常清淡：「依家啲肉Firm咗，最緊要身形均勻，都有做肌肉負重訓練，做到肌肉痠痛。」問到上圍澎湃的她會否再力谷？她說：「如果中圍、下圍瘦啲，上圍都會睇落突出啲。（減肥減埋胸？）自小都係呢個Size，唔驚有大變化。」

林孜沫試戴后冠時表現論盡。

李芷菱做肌肉負重訓練，狀態大勇。