姜濤人氣勁 阿媽唔敢埋身

ViuTV選秀節目《Good Night Show全民造星》已選出十強，昨日其中八強Anson、Jeremy、梁業（肥仔）、姜濤、Edan、細貓、Stanley和Ian到電台接受訪問。大熱之一的姜濤早前被粉絲跟蹤，問到有否帶來不便？他說：「我阿媽行街唔敢行埋我身邊，佢唔想上鏡，有時佢會戴帽出街。不過有樣嘢好窩心，拉票嗰日，好多粉絲朝早六點已經嚟等，活動下晝先開始，好感動。（有冇粉絲有過激表現？）一定有，會傳佢哋啲相畀我，乜都Send。（有冇不雅照？）未收到不雅照。（你有好多男粉支持。）有，不過都係女多過男，幾多就冇計過。」