陳逸寧窮到100蚊都冇兼職保險結良緣
藝人陳逸寧（Isabel）為東網巨星節目「海馬牌床褥特約」《閨蜜睡房》擔任嘉賓，與主持李惠儀分享入行多年的點滴。她於20歲時拍《Y2K前的暑假》入行，18年後的她已成為人母，但樣子依然童顏。她坦言在娛樂圈曾經有迷失期：「我試過戶口得番幾十蚊，要朋友過幾十蚊畀我先撳到一舊水出嚟。」幸好她有做保險工作：「保險有穩定收入，仲有自主權。」她又稱每次想退出娛圈，就有機會出現：「無端端電台搵我做半年主持，所以人生真係好得意。而做演員就好被動，要有人搵先得。」
70分母親
Isabel的兒子已經5歲，她自稱是「70分母親」，因太懶惰扣了30分！她坦言有女傭做家務，故很少入廚，但強調放了不少時間在兒子身上：「佢好黐我，每次出門口都攬實我，跟住要Kiss Kiss，好鬼冧。」問到可會追個女？她坦言：「有諗過，但打消咗念頭，因為試咗，好似唔係好得，所以隨緣啦。」
原來Isabel的老公是她保險同事，究竟兩夫妻相處有何秘訣？為何兩公婆要分房瞓？想知就要收看本星期五、六、日的《閨蜜睡房》！
化妝及髮型：Matt Lau@Anjo Makeup