周潤發咬實唔放 追問城城家事

周潤發不停以城城女兒作話題，非常搞笑。

影帝周潤發及郭富城主演的新片《無雙》前晚於九龍灣舉行首映禮，吸引黃子華及謝賢等撐場。司儀區永權向周潤發討教運動健身問題時，他笑稱：「每日原地踏步15分鐘就得，依家一齊跟住做，唔好停。」結果二人與城城跑住做訪問，區永權不停流汗，周潤發即拿紙巾幫他抹。提到戲中印製偽鈔，周潤發即向城城說：「印500噸，你估養個女咁易！」

轉揸家庭車

二人接受記者訪問時，周潤發繼續以城城女兒作話題。問到「城嫂」方媛看完該片後有何感想？城城說：「佢覺得發哥好靚仔，佢喺上海睇咗國語版。」周潤發即問：「佢識聽廣東話？」城城答識，他再問：「咁你個女講乜話？」城城即耍太極：「唔講呢啲住。」他笑說：「做乜啫？我鍾意你個女多過郭富城囉，佢靚女又旺你，等你買多幾架法拉利。」城城惟有說：「我依家揸家庭車喇。」他即說：「咁要向你討教揀車心得喇。」談到今次合作，周潤發揚言有壓力：「隔籬嗰個揸住架法拉利，人同車都快，我驚追唔切。」城城即說：「發哥係火箭，我揸住架車驚追唔到就真。」

周潤發（左起）、謝賢、英皇主席楊受成、博納老闆于冬及郭富城主持首映儀式。

老公有新戲上映，發嫂當然要來撐場。