薛家燕哽咽哭別吳君麗

粵劇名伶吳君麗上月26日因病離世，昨日於北角香港殯儀館設靈，靈堂以白色高潔為主，三個粉紅色的心形花牌是由好友簡若芳、兒子陳金池及孫兒陳梓笙所送，加上由好友所送的花牌組成花海，而其家人以一身素服在場打點。
一代粵劇名伶吳君麗昨日設靈，今日出殯。
一代粵劇名伶吳君麗昨日設靈，今日出殯。

薛家燕強忍淚水，哽咽表示：「抱住好唔捨得嘅心情嚟致祭麗姐，大家之前見到麗姐嚟我個仔婚禮，佢知我娶新抱都好開心，就算身體唔舒服都叫胡楓陪佢嚟。呢幾日心情好難過，當時婚禮自己好忙，冇時間招呼到麗姐，但原來係最後一次見，心裏真係好難過。」

而吳君麗的好拍檔胡楓神色哀傷，表示：「我中秋同前一日都有去醫院探佢，有問佢認唔認得我，佢就貶眼示意認得，當時都覺得佢唔係痛苦嘅。」

吳君麗的兒子陳金池（左）及孫兒陳梓笙（右）在靈堂打點。
  • 吳君麗的兒子陳金池（左）及孫兒陳梓笙（右）在靈堂打點。
薛家燕遺憾在囝囝婚宴上，未能好好招呼吳君麗。
  • 薛家燕遺憾在囝囝婚宴上，未能好好招呼吳君麗。
（左起）：白雪仙、陳寶珠、汪明荃
  • （左起）：白雪仙、陳寶珠、汪明荃