薛凱琪仆低賴梁漢文邪住
藝人薛凱琪（Fiona）、張智霖（Chilam）、梁靖琪（Toby）、梁漢文（Edmond）與泰國變性人Poyd等，昨日出席「黃Viu煲劇平台」獨家播放《蝕日風暴》造勢大會。Fiona在台上自我介紹時不慎絆倒跌坐台上，要由身旁的Chilam與Toby扶她一把才能站起，之後以笑遮醜，兩位男士亦幫忙紓緩氣氛，Chilam笑言台上有「跌倒結界」，Edmond更模仿Fiona跌倒，相當搞笑！
Fiona受訪時表示已非首次在台上仆低：「上次喺黃偉文演唱會跌到飛鞋，梁漢文都在場，佢同蘇永康幫我執鞋，我懷疑梁漢文唔係好旺我！其實跌低唔尷尬，起唔番身先最尷尬！」
Chilam透露劇中有不少打戲，Edmond則有不少「愛情動作戲」。Edmond表示與「沙律」張沛樂拍床戲，但她爬上床時毛巾鬆脫，險些睇到她走光：「好彩我反應夠快，合埋眼就掉頭走！」Chilam即笑問何不「潤一潤」雙眼，又指若有續集，會要求對調戲份，Edmond聞言笑說：「到時係我半裸爬上你張床！」